Rollway, MP ilog na’s titulo

CEBU, Philippines – Parehong mihimo’g upset nga kadaugan ang Rollway-Petracorta Brokers ug ang MP Brokers dihang ilang gitagak ang mga seeded nga karibal aron moabante sa finals  sa 3rd  BOC-CIPU Friendship Cup didto sa barangay Tinago gym, ning dakbayan.

Unang nasakmit sa No. 5 seed Rollway-Petracorta ang luna sa finals human ilang napakgang ang 12-game winning streak sa topseed  Customs Portmen ni Boodie Monteno, 81-71 sa ilang knockout semifinals.

Sa ilang bahin, ang No. 6 nga MP Brokers  miabante sab sa finals human ilang gipukan ang second seed Alin Brokers, 106-90.

Ang  knockout finals sa Rollway-Petracorta ug MP Brokers  hinuon karong gabii human sa duwa tali sa Portmen ug Alin nga mag-ilog na lang sa ikatulong puwesto.

Bisan  nabiyaan sila sa  first half hangtod na sa uwahing bahin sa third period, milampos gihapon  sa pagdaog ang Rollway-Petracorta human na-fouled out halos tanang  bigmen sa Portmen nga sila si Ramil Aniñon ug Jaypee Maunes.

Wala sab makahuygo sa uwahing bahin sa fourth period ang scoring leader sa Portmen nga si Lyric Into tungod sa hugot nga depensa.

Si Julius Tarona maoy nangu sa Rollway-Petracorta sa iyang 21 puntos samtang si Francis Palero midugang og 15 puntos.

Nangu sa Portmen mao si Into  sa iyang 22 puntos.

Sa laing bahin, epektibong full-court pressure maoy gigamit sa MP Brokers aron makapugos sa Alin ngadto sa daghang turnovers.

Lima ka players sa MP ang mibahog og double figures nga gipangulohan ni Baeng Medalle sa iyang 19 puntos, samtang  sila si Dandan Enriquez ug Rex Darious Bensi  parehong miamot og 16 puntos. Sila si Janus Abellana ug Beking Rollon adunay 15 ug 12 puntos matag usa.

Si Ryan Barral, ang bag-ong presidente sa BOC-CIPU maoy nangu sa Alin sa iyang 23 puntos, gisundan ni  Edwin Estorgio nga adunay 18 puntos.

PUNTOS MATAG USA

Unang duwa:

Rollway-Petracorta (81) – Tarona 21, Palero 15, Moral 13, Berame 10, Generalo 5, Sagario 4, Manlosa 4, Sagarino 3, Pianar 3, Villaronza 2, Olloves 2, Palad 2.

Portmen (71) – Into 22, Sanguenza 12, Maunes 11, Aninon 8, Maningo 7, Manulat 6, Mondin 3, Yu 2, Cañete 2.

Ikaduhang duwa:

MP Brokers (106) – B. Medallle 19, Enriquez 16, Bensi 16, Abellana 15, Rollon 12, N. Medalle 9, Elloren 6, Arreglo 4, Pimentel 3, Amistoso 3, Villacastin 2, Pangue 1.

Alin Brokers (90) –  Barral 23, Estorgio 18, Tabaloc 12, Villomo 11, Cayanong 9, Cantiga 5, Baltonado 4, Alin 2, Lleve 2, Tradio 2, Alimoren 1. (BANAT NEWS)