CEBU, Philippines – Gisubhan og daog ang BSBYO ug SRYO human ilang gipilde ang tagsa-tagsa nilang kaatbang sa Inter-Color Lorega Echavez Youth Council (LEYC) Sinulog Cup 2015 basketball tournament didto sa Barangay Lorega gym, ning siyudad.
Ang BSBYO mitiklo sa LEYC, 82-77, samtang ang SRYO milatos sa VSMYO 90-81.
Si Michael Temblor maoy nangulo sa BSBYO sa iyang 20 puntos, gisundan nila ni Jason Borinaga ug Jaspor Gador nga mitampo og 12 puntos matag usa.
Sayong mibuto sa ilang opensa sa BSBYO diin miposte sila 50-39 sa first half, apan misikit ang LEYC sa third period sa iskor nga 66-64.
Wala hinuon molampos ang LEYC kay ang BSBYO mikalit kainit sa tunga-tungang bahin sa final period.
Sa ilang bahin, ang SRYO gipangulohan ni Jeff Codilla, kinsa miiskor og 34 puntos. (BANAT NEWS)