Kenyan, Sanchez daog sa Lapu-Lapu
CEBU, Philippines – Ang Kenyan nga si Douglas Mwiti ug si Preciosa Sanchez maoy migawas nga labing dakung mananaug sa labing unang Historic Resort City Marathon kagahapon didto sa Lapu-Lapu City.
Si Mwiti mitapos sa 42K marathon nga gisugdan sa tungang gabii sud sa duha ka oras, 47 minutos ug 43 segundos. Ang Kenyan layu kaayo og biya ngadto sa second placer nga si Paul Zafico kinsa adunay oras nga 2:52:19, samtang laing Kenyan nga si Abraham Missos maoy third placer sa oras nga 3:08:00.
Sa iyang bahin, si Sanchez maoy reyna sa 42K women’s class sa oras nga 3:58:21 batok nila ni Rhoda Oporto (4:00:34) ug Mereeis Ramirez (4:04:18) sa ikaduha ug ikatulong dapit.
Si Rey Entera Velarde maoy midaog sa 21K men’s open sa oras nga 1:17:30 human niya apsi sila si Azlan Pagay (1:19:33) ug veteran runner Bonifacio Monjas (1:22:12) sa ikaduha ug ikatulong luna.
Ang top three female finishers sa 21K women’s mao sila si Ruffa Sorongan (1:38:41), Keisha Mae Delechos (1:42:44) ug Virginia Parajenog (1:50:02).
Midaog usab sa 10K category sila si Robert Daang (34:45) ug Jhean Andrin (49:39). (BANAT NEWS)
- Latest
