Davis miposa'g 43
CEBU, Philippines – Gitapos sa New Orleans Pelicans ang ilang road game pinaagi sa usa ka makasaysayong kadaugan dihang mikulit og career-high 43 puntos uban sa iyang 14 ka rebounds aron baswaton ang Pelicans ngadto sa 106-94 nga kadaugan batok sa Utah Jazz kagahapon sa duwa sa National Basketball Association.
Matod pa ni Davis ''All of our guards did a great job of finding me and making sure I got the ball in my sweet spot.''
Midugang og 19 puntos si Jrue Holiday alang sa Pelicans uban sa iyang walo ka assists aron mokulit og 2-2 sa ilang four-game road trip didto sa West.
Si Gordon Hayward maoy nangu sa Jazz sa iyang 31 puntos samtang mihimo'g season-high si Trey Burke alang sa Jazz kinsa wala makapiog ni Davis.
''There was never really an opportunity to double him, because he goes so quickly when he gets the ball. It's a real challenge. The thing you can't do is give him some easy baskets,'' matod pa ni Jazz coach Quin Snyder kalabot sa performance ni Davis.
Naglabaw ang Pelicans, 66-47 human sa three-pointer ni Holiday may 9:21 ang oras sa third quarter ug medyo nakahuygo sa makadiyot ang Jazz dihang ilang nalimitahan ang Pelicans ngadto lang sa lima ka baskets sulod sa kataposang nuybe minutos sa maong quarter aron makasikit ginamit ang 10-2 run alang sa 61-70 nga biya.
Sa laing duwa, nakaipsot ang Houston batok sa Dallas sa iskor, 95-92 samtang midaog ang San Antonio batok sa Brooklyn, 99-87.
Misarasay na sab ang Cleveland human kini moyukbo sa Toronto, 93-110 samtang midaog ang Miami batok sa Orlando, 99-92. Gilubong sa Phoenix ang Indiana, 106-83, midaog ang Sacramento batok sa Minnesota, 113-101, midaog ang Washington batok sa Milwaukee, 111-100 ug pabiling wala'y daog ang Philadelphia sulod sa 13 ka duwa human sila mapilde sa New York, 83-91. (GGM gikan sa NBA.com) (BANAT NEWS)
- Latest
