Alin mipukan sa Ynah, MP nadisgrasya sa MCWD

CEBU, Philippines - Nagpadayon ang kabangis sa duwa ang Alin Brokers human nila gipilde ang Ynah Brokers, 112-107 sa nagpadayong 3rd BOC-CIPU Friendship Cup basketball tournament niadtong Lunes didto sa  barangay Tinago  gym, ning dakbayan.
Silang Edwin Estorgio ug Ryan Villomo maoy nangu sa Alin sa ilang 17 puntos matag usa, samtang  ang team owner nga si Israel Alin mitampo’g 16 puntos ug ang ilang star player nga si Ryan ‘Dwyane Wade’ Barral mitikdol og 13 puntos.
Ang Ynah Brokers gipangulohan ni Gerry Singson sa iyang 26 puntos.
  Sa pasiunang duwa,  gilumsan sa MCWD ang  MP Brokers, 112-108.
Daog unta ang MP Brokers sa maong duwa, 108-92, apan tungod kay kulang sila’g players, giregalohan og 20 puntos  ang MCWD, kinsa maoy opisyal nga mananaog.
Sa lagda sa BOC-CIPU adunay kuhaan og singko puntos matag player nga dili makaduwa gawas lang kun  balido ang rason.
  Upat ka players sa MP ang wala motunga  nga silang Noel Medalle, Nikki Pimentel, Junrey Arreglo ug Christian Villacastin.
 

Puntos matag usa
  Unang duwa:
  MCWD (112) – Marata 23, Palania 15, Cipres 14, Caga-anan 10, Cabahug 10, Chan 7, Gako 6, Godin 4, Caingcoy 3, Minoza 3, Omega 3.
MP Brokers (108) –  Rollon 25, Abellana 21, Enriquez 19, Amistoso 19, Bensi 4, B. Medalle 4, Panque 4, Elloren 2.
Ikaduhang duwa:
Alin Brokers (112) –  Estorgio 17, Villomo 17, Alin 16, Cantiga 14, Barral 13, Lleve 13, Cayanong 9, Alimoren 8, Nudalo 5.
Ynah (107) – Singson 26, Dellosa 24, E. Dellosa 12, Peras 10, Allerite 10, Oporto 7, Garcia 6, Lobitana 4, Carmen 3, Villarin 2, Tan. (BANAT NEWS)