Einstein School for kids midaog batok vice mayor’s office

CEBU, Philippines - Ang bag-ong hepe sa  Paircargo Warehouse Assessment Division sa Bureau of Customs (BOC)-Manila nga si Bingo Matugas, mikolekta og 12 ka three-point shots aron pangulohan ang Einstein School for Kids Mighty Geek ngadto sa 104-93 nga kadaugan batok sa Vice Mayor’s Office ni Atty. Edgar Labella atol sa exhibition game niadtong Biyernes didto sa Capitol Parish gym, ning dakbayan.

Si Matugas atua na karon madestino sa Ninoy Aquino International Airport  (NAIA)  maoy giilang undisputed three-point king sa  BOC nga nag-uban na karon og duwa ni  Atty. Kenneth Kern Sesante sa mga torneyo sa Customs.

Ang Einstein-VM Office goodwill match gihimo aron pag-promote sa bag-ong gitukod nga learning center for kids nga tua mahimutang sa dakbayan sa Lapu-Lapu. Aduna na sila’y 2,000  ka mga  tinun-an. (BANAT NEWS)

Puntos matag usa

Einstein (104) –  Matugas 42, Mata 16, Mantilla 10, Locsin 8, Monsanto 6, Almar 6, Congson 4, Amores 4, Catubig 4, Avila 4.

Vice Mayor's Office (93) – Ceballos 28, Lirion 26, Aton 12, Castaneda 8, Labella 7, Abelarde 7, Aninipoc 2, Patalinghug.