CEBU, Philippines - Parehong gibunyagan og daog ang Aspa ug ang Abrenica Engineering batok sa managlahing kontra atol sa pagbukas sa Mayor Nice Apura Cup 2014 basketball tournament Open Division niadtong Biyernes didto sa Carcar City Sports Complex.
Ang Aspa nakaipsot batok sa Jomangs’ Surplus sa iskor nga 97-95, samtang ang Abrenica Engineering milubong sa Cebuana Lhuillier, 103-81.
Tinguha karon sa Abrenica nga mokulit sa ilang ikaduhang daog dihang makig-sangka sila batok sa Jomangs.
Ang mga duwa gidumala ni tournament director Julie Flores. (BANAT NEWS)