PCCL-Cebu leg plansahon karong adlawa

CEBU, Philippines - Anaa karon dinhi sa Sugbo ang organizers saPhilippine Collegiate Champions League (PCCL) Elite Eight Series-Cebu Leg alang sa press conference sa alas-11:30 sa buntag diha sa Hotel Fortuna sa dalan Borromeo, ning siyudad.

Pangulohan kini ni PCCL chairman Rey Gamboa ug kanhi national team coach ug PCCL tournament director Joe Lipa.

Ang PCCL-Cebu Leg gikatakda sa Nobiyembre 13-17 diin lima ka teams gikan sa Manila ang moduwa nga naglakip sa UAAP Season 77 champion National University (NU) Bulldogs ug runner-up Far Eastern University (FEU) Tamaraws,NCAA Season 90 champion San Beda Red Lions ug runner-up Arellano University Chiefs ug laing usa ka team  Luzon-Metro Manila qualifier.

Sangkaon sa mga bisitang teams ang top three teams gikan sa Cebu Schools Athletic Foundation Inc. (CESAFI) nga pangulohan sa defending  champion Southwestern University (SWU) Cobras, University of San Carlos (USC) Warriors ug University of the Visayas (UV) Green Lancers. (BANAT NEWS)