NBA legend Iverson miabot na sa nasud

CEBU, Philippines – Ania  sa Pilipinas ang kanhi NBA MVP nga si Allen Iverson alang sa charity event nga giulohan og “All In” didto sa SM Mall of Asia (MOA) Arena.

Sugdan ang kalihukan ni Iverson sa usa ka basketball clinic diin uban niya si PBA multi-titled coach Tim Cone ug pipila ka PBA players sama nila ni Chriss Ross, Jayjay Helterbrand, Harvey Carey ug Willie Miller.

Matapos ang charity event ni Iverson sa usa ka exhibition game ugmang adlawa didto sa MOA nga salmotan sa mga UAAP, NCAA ug pipila ka mga US street ballers.

Ang Streetball All-Stars pangulohan ni The Professor, Bone Collector ug mga piniling Pinoy collegiate players ubos sa giya ni coach Cone.

Atbangan sila sa PCWorx nga bidahan nila ni UAAP standout Kiefer ug Thirdy Ravena, Jeron Teng, Almond Vosotros, Jaymar Perez, Mac Belo, Ola Adeogun uban nila ni former PBA stars Renren Ritualo, Miller ug Jerry Codinera ug ex-NBA cager Dermarr Johnson ug Eddy Curry. (BANAT NEWS)