CEBU, Philippines – Dakung bihag ang natangag sa Transwise dihang ilang gipakuratan ang mas lig-on nga Lao Brokers,104-94, samtang mikatkat ngadto sa ikatulong puwesto ang Rollway-Petracorta Brokers human ilang gipakgang ang nagkalig-on nga Alin Brokers, 81-74 sa nagpadayong 3rd season sa BOC-CIPU Friendship Cup didto sa barangay Tinago gym, ning dakbayan.
Ang Rollway-Petracorta nagbitbit karon og 6-2, samtang ang Alin Brokers nalandig sa ikaupat nga adunay 5-2 record.
Si Julius Tarona mibahog og 31 puntos aron pangulohan ang Rollway-Petracorta, samtang si Takloy Moral mikadlit og 17 puntos.
Ang sangay nga silang si Ryan Barral ug Ryan Villomo mao sab ang nangu sa Alin Brokers. Si Barral miposa’g 16 puntos samtang si Villomo midugang og 13 puntos. Miamot sab og 12 puntos si Chito Lleve. (BANAT NEWS)