US-based Cepcans mopaluyo sa CEPCA monthly tournament

CEBU, Philippines – Tulo ka mga sakop sa Cebu Executives and Professionals Chess Association nga atua na karon magbasi sa Estados Unidos ang motabang sa ipahigayong October edition sa CEPCA monthly tournament nga gitakda karong petsa 26 didto sa Handuraw Pizza sa Gorordo Avenue, ning siyudad.

Sila si Jojo Dondon, Mitch Vergara ug Gilbert Ababat maoy dakung haligi nga mopaluyo sa umaabot nga kalihukan nga lamasan sa presensiya sa unom ka babayeng varsity players gikan sa nagkalain-laing unibersidad dinhi sa Sugbo, sumala pa ni CEPCA sports committee chairman Jun Solis.

Ang champion sa five-round Swiss system competition mobulsa og P2,000, samtang ang second ug third placers makadawat og P1,500 ug P1,000 matag usa. Ang fourth ug fifth makaangkon og P800 ug P700.

Ang sixth hangtod sa 10th placers makadawat og consolation prize nga P500 matag usa, samtang ang top three ladies mobitbit og P700, P500 ug P300. Ang special prizes para sa ladies kortesiya ni Ross Yamayamin, Serge Borres ug Handuraw Pizza.

Gawas sa ganting salapi, ang top performer moabante sab alang sa “Battle of Champions” karong Disyembre uban sa early qualifiers nga naglakip nilang Jimmy Ty Jr., Carlo Maraat, Tony

Cabibil, Rosendo Yamyamin, Rey Flores, Peterson Sia, Arnold Cadiz, Jerry Maratas ug Harrison Chua. (BANAT NEWS)

Show comments