CEBU, Philippines - Nakakuha na sab og laing dakung “break” si ALA Boxing Gym stalwart Rocky ‘Road Warrior’ Fuentes (35-7-2, 20KOs) dihang iyang hagiton si Nicaraguan champion Roman ‘Chocolatito’ Gonzales (40-0, 34KOs) alang sa WBC flyweight title sa Nobiyembre 22 didto sa Yokohama International Swimming Pool sa Yokohama, Kanagawa, Japan.
Si ALA Promotions President ug CEO Michael Aldeguer miingon nga si Gonzales mismo ang mipili ni Fuentes aron mahimo niyang challenger alang sa voluntary title defense niini.
“He (Gonzales) wanted a big name so he chose Fuentes to be his challenger,” matud pa ni Aldeguer.
“Gonzales is based in Japan and Rocky is popular in that country.”
Miangkon si Aldeguer nga usa ka tungason nga misyon ang sagubangon ni Fuentes batok sa Nicaraguan boxing star, apan kompiyansa siya nga modaog ang iyang boksidor.
“It is going to be a difficult fight. Gonzales is probably the best boxer in the 112 lbs. division, but this is good for Rocky. The timing is good because Rocky needs this as he is a veteran in the sport with a lot of experience,” dugang pa ni Aldeguer.
Kini ang ikaduhang world title fight ni Fuentes human siya mapakyas sa unang higayon batok ni Thai Amnat Ruenroeng pinaagi sa unanimous decision sa sangka nila alang sa IBF title niadtong Enero 22 didto sa Thailand.
Si Gonzales maoy ranked No. 9 sa world pound-for-pound rating sa Ring Magazine.
Katapusan siyang miaway niadtong Mayo 9 didto sa Japan diin iyang gi-TKO sa ninth round si Akira Yaegashi. (BANAT PALARO)