CEBU, Philippines – Wa magmahay si Cebuana running queen Mary Joy Tabal nga wala niya madepensai ang iyang korona sa Milo Marathon dihang didto siya misakmit og korona sa South Korea atol sa iyang pagsalmut sa 2014 Seoul Race.
Ang reigning Milo National Marathon champion nga si Tabal midaog sa 21K category didto sa Korea sud sa usa ka oras ug 19 minutos.
Hinuon bisan og wala siya kasalmut sa Cebu leg sa Milo Marathon qualifiers, si Tabal andam nga mudagan sa laing Milo leg ug plano niya nga adto sa Butuan mopakita sa iyang kapaspas.
Apan ang long time coach ug partner ni Tabal nga si John Philip Duenas gidemalas human wala siya katiwas sa lumba kagahapon sa Milo Marathon didto sa Cebu City Sports Center.
Si Duenas wala nalang motiwas human niya makita nga dili na siya kaabot sa 1:15:00 qualifying time sa men’s 21K category. (LPM) (BANAT NEWS)