CEBU, Philippines - Gidemolis sa Mayor’s Office team ubos ni Mayor Mike Rama ang Assessor’s Office, 147-78 sa nagpadayong aksiyon sa Cebu City Hall Inter-Department Sportsfest 2014 sa miaging semana didto sa Cebu City Sports Institute (CCSI) gym sa Sawang-Calero, ning dakbayan.
Balanse ang opensa sa Mayor’s Office diin siyam sa ilang players ang miiskor og double figures ug ning higayona gipangulohan ni Roel Otarra pinaagi sa iyang 24 puntos.
Laing mihimo’g double digits alang sa ikaduhang daog sa Mayor’s Office mao si Andy Borres, ang anak ni kanhi Cebu City Mayor Eulogio ‘Yoyong’ Borres. Si Andy Borres, ang former Solid Bank Commercial cager mirehistro og 22 puntos, gisundan ni kanhi UV Lancer Rene Toring nga adunay 18 puntos.
Si kanhi PBA player Danny Aying mitimang og 15 puntos, si Richard Molina mihirit og 14 puntos, si Michael Tabar mitimbre’g 12 puntos ug silang Mer Reyes, Tope Abellana ug Julio Bacullo miantog og 10 puntos matag usa alang sa Mayor’s Office nga milabaw og katunga sa halftime, 70-35.
Ang Assessor’s Office gipangulohan ni Rene Cuyno, kinsa mikolekta’g 19 puntos, samtang sila si Roel Lauro ug Renaldo Cañete miabuno’g 17 puntos matag usa.
PUNTOS MATAG USA
MAYOR’S OFFICE (147) – Otarra 24, Borres 22, Toring 18, Aying 15, Molina 14, Tabar 12, M. Reyes 10, Abellana 10, Bacullo 10, C. Reyes 8, Magan 8, Jueves 6.
ASSESSOR’S OFFICE (78) – Cuyno 19, Lauro 17, Cañete 17, Llanos 8, Michael 8, Diño 5, Cabaluna 4. (BANAT PALARO)