CEBU, Philippines - Mihimo’g dili kasarangan nga kalampusan si veteran runner Robert Daang dihang iyang gipilde ang Kenyan marathoner nga si James Mebei aron maghari sa 10K division sa Run for ERUF kagahapon didto sa Parkmall.
Gitapos ni Daang ang lumba sa oras nga 34:44, samtang si Mebei mi-oras og 35:58. Si Michael Largo miokupar sa ikatulo.
Sa women’s division, ang batan-on nga si Cherry Andrin maoy unang mitadlas sa finish line sa oras nga 40:36, gisundan nilang Ruffa Sorongan (40:56) ug Keisha Mae Delechos (46:47) nga mipuwesto sa ikaduha ug ikatulong dapit.
Duha ka Kenyan runners nga sila si Abraham Missos ug Iriene Kipchumba ang nidominar sa 5K open. Si Missos mitapos sa lumba sa oras nga 16:06 aron maghari sa men’s division. Sila si John Darryl Manus (16:53) ug Riez Enriquez (17:12) miangkon sa sunod nga duha ka puwesto.
Sa pikas bahin, si Kipchumba mao sab ang miangkon sa women’s title batok nila ni Lovely Andrin ug Carla Cosep.
Sila si Azrel Pagay ug Lynlie Cardenas mao ang mihawod sa 3K run. (BANAT NEWS)