CEBU, Philippines - Sugdan na sa Cebu City Sports Commission (CCSC) ang ilang combat sports grassroots program nga giuloha’g “Bakbakan sa Sugbo” karong adlawa diha sa Cebu City Sports Institute sa Brgy. San Nicolas, ning siyudad.
Ang “Bakbakban sa Sugbo” usa ka binuwang kalihukan nga maglangkob og naglain-laing combat ug martial arts sports sa managlahing weight classes.
Gisuportahan sa Department of Education (DepEd)-Cebu City ug sa Philippine Sports Commission (PSC) uban sa pagpaluyo sa Virginia Foods Inc., Julie’s Bakeshop ug International Pharmaceuticals Inc. (IPI) Omega Pro, ang combat sportsfest naglakip sa mixed martial arts, boxing, karatedo ug arnis.
Sugdan kini pinaagi sa hamubo nga programa sa ala-1 sa hapon.
Ang MMA event nga pangulohan ni Yaw-Yan Ardigma Cebu Foundation and CEO Master Benigno ‘Ekin’ Caniga Jr. maglangkub og six-bout fight card diin moaway sa main event mao sila si Junrey Soquite sa Durex Dragon Kickboxing batok Rodel Valisado sa Unified MMA.
Human sa MMA card, mosunod ang boxing clinic nila ni two-time world champion Dodie Boy Peñalosa ug former Olympian Efren Tabanas. May demonstration sab sa arnis ug sa karatedo.
Si CCSC chairman Edward Hayco nagkanayon nga ang ideya sa “Bakbakan sa Sugbo” mao ang paghatag og lingaw sa mga lumulupyo sa mga barangay nga duol sa CCSI ug ingon man pagpangita og mga potential athletes nga morepresentar sa Sugbo sa umaabot nga mga torneyo.