Cebu Provincial Basketball League giTUKOD
CEBU, Philippines - Aduna na’y kahigayonan ang mga mahiligon og basketbol sa tibuok probinsiya sa pagsaksi sa linawas nga duwa sa dakung liga nunot sa paglusad sa Cebu Provincial Basketball League (CPBL) nga ipahigayon sa Nobiyembre ning tuiga sa wala pa matinong binyu.
Adunay 32 ka koponan gikan sa nagkadaiyang lungsod sa Sugbo ang mopakita’g aksiyon.
Ang mga koponan bahinon ngadto sa duha ka cluster -- North ug South nga adunay 16 ka koponan matag usa. Bahinon sab ang matag cluster sa duha ka brackets nga adunay walo ka koponan matag grupo diin moduwa kini og double round robin format sa classification stage.
Ang top two qualifiers matag bracket magsangka sa crossover semifinals diin ang modaog sa matag bracket maoy mag-abot sa kampiyonato.
Ang modaog sa best-of-three series sa cluster title mobulsa’g P200,000. Ang kampiyon sa North ug South magsangka sa laing best-of-three series alang sa CPBL title diin modaog og P300,000.
“We all know that a sport is one way of encouraging the youth and young adults to indulge in healthy lifestyle and activity” matud pa ni league commissioner Albert Alocillo atol sa press conference kagahapon didto sa Port Seafood Restaurant.
“Also, this is one way of scouting athletes who have the potential to make it big to the national leagues.”
Ang matag koponan langkuban og 12 ka players nga rehistradong botante sa ilang nagkadaiyang lungsod. Tugtan ang tanang koponan nga makakuha’g usa ka import atol sa classification stage ug laing usa atol sa semis.
Ang mga imports mahimong usa ka CESAFI players, kanhi collegiate o commercial cager o usa ka langyaw. (BANAT NEWS)
- Latest
