Gilas miyukbo sa Australia

CEBU, Philippines- Wa musalir ang kadasig sa Smart Gilas dihang gipukan sila sa Australia, 75-97, sa usa ka tune-up tournament alang sa ilang pagpangandam sa 2014 FIBA World Cup didto sa France.

Ang Gilas igo lang gibiyaan og singko puntos sa halftime, 42-47, apan ang mas dagkung Australians miburak sa third period diin giinat nila ang labaw sa 10 puntos 73-63.Gikan didto wala na lingia pa sa mga Australian ang Gilas paingun ngadto sa kadaugan.

Kini ang ikaduhang pilde sa Gilas sa maong four-team pocket tournament human usab sila gipilde sa France, 68-75. Ang Gilas tinguha nga makakuha og kasinatian alang sa ilang kampaniya sa World Cup nga sugdan sa Agoston 30 didto sa Spain.

Ang Australia gibituonan sa rookie prospect nga si Dante Exum kinsa moduwa sa Utah Jazz sunod season sa NBA, San Antonio Spurs forward Aron Baynes ug Andrew Bogut.

Subling nangulo sa opensa sa Gilas si naturalized NBA center nga si Andray Blatche nga adunay 20 puntos ug 10 ka rebounds. (BANAT NEWS)