CEBU, Philippines - Wala kapugngi ang pag-arangkada sa Suzuki-Zic-BMR Riders diin miratsada kini’g mga daog sa Bohol leg sa 2014 Regional Underbone Grand Prix.
Ang racing team gikan sa Sugbu mihakot og lima ka korona ug pipila ka runner-up trophies bisan pa’g upat lang sila ka riders sa maong grupo.
Si Neil Perino midaog og tulo ka championship trophies pinaagi sa novice 160, novice 130 underbone ug sa Suzuki Nex Cup.
Sa iyang bahin, si Mario Borbon nidominar sa expert open, ikaduha siya sa expert 130 underbone ug ikatulo sa expert open automatic.
Si Patrick Orbe mipahiluna sab sa ikaduha sa novice 160 automatic ug ikatulo sa intermediate 160 division.