Asturias Fiesta Cup buksan na
CEBU, Philippines - Pormal nang sugdan ang gikahinaman nga second edition sa Asturias Town Fiesta Open Invitational Basketball Tournament karong adlawa didto sa Asturias Sports Center.
Upat ka teams ang mopakita’g aksiyon ning tinuig nga torneyo nga pangulohan sa defending champion Tuburan All Stars ni Mayor Democrito ‘Aljun’ Diamante uban sa Balamban Construction ni Mayor Alan Adlawan, GN Bakeshop sa magtiayong Noel ug Vangie Galo ug CNS Buanoy ni Clyde Seblos.
Ang mga partisipanteng koponan mosubay og single round robin format sa elimination diin ang top two teams makapahimos sa “twice-to-beat” advantage atol sa crossover semifinals.
Ang modaog maoy mag-abot alang sa titular showdown.
Ganting salapi ang madawat sa mga mananaog nga dumalaon ni tournament commissioner Deogracias E. Caligner.
Ang tsirman sa committee on sports mao si SB member Arnold T. Cuyos.
- Latest
