Team Warhawk midagit korona sa 2nd Lancers Security cagefest
CEBU, Philippines - Nadagit na gyud sa Warhawk ang korona sa 2nd Lancers Security Basketball Tournament niadtong Domingo sa buntag diha sa UV-main gym sa dalan Sanciangko, ning siyudad.
Ang team Warhawk sa Popular Feedmills Corp. yano kaayong milangkat sa kampiyonato pinaagi sa paglubong sa ilang karibal nga KEPCO, 77-63 ubos sa pagpangulo ni MVP Junriel 'Yaw-Ming' Lumapas. Ang power center nga si Lumapas mikabkab og 12 puntos uban ang 15 ka rebounds, unom ka blocks ug tulo ka steals.
Higpit kaayo ang sangka pagsugod sa duwa hinungdan nga nagtabla ang iskor, 26-all paghuman sa unang 10 minutos sa duwa.
Sa mosunod nga mga kuwarter hinay-hinay nga midistansiya ang bangis nga Hawk ni team manager Rey Geverola hangtod ilang nabihag ang Kepco.
Ang Kepco naglisud sab pag-iskor tungod sa grabeng depensa ni Wendel Atillo. Wala sab kapugngi ang pagmangtas ni Hardy Bionson, kinsa mikandos og 10 puntos aron tabangan ang Warhawk ni playing coach Ranulfo Alivio pagkab-ot sa gidamgo nilang korona.
Ang Kepco gipangulohan ni Ornopia sa iyang 12 puntos gisundan ni Alinsonorin nga adunay 10 puntos.
Si Lumapas maoy nangu sa Mythical Five uban sa iyang teammate nga si Bionson, Villaver sa Anseca ug Bacalso ug Ornopia sa Kepco.
Puntos Matag Usa
WARHAWK (77) – Jun. Lumapas 12, Bionson 10, Jo. Lumapas 8, Sedeño 6, Bartido 6, Atillo 5, Amaquin 4, Entice 4, Campo 4, Maluya 4, Cantina 2, Labitad 2, Garson 2, Milan 2, Villona 2, Gulfan 2, Fernandez 2.
KEPCO (63) – Ornopia 12, Alinsonorin 10, Canoy 8, Moreto 8, Bacalso 6, Palomar 6, Malinao 4, Sebial 2, Sumalinog 2, Antiola 2, Del Rosario 2, Atienza 1. (BANAT NEWS)
- Latest
