Salamat, UV
CEBU, Philippines - Nagpasalamat si PBA 'Rookie of the Year" Greg Slaughter atubangan sa Visayanians atol sa iyang pagbisita diha sa University of the Visayas (UV) main campus kagahapon nga kabahin sa tulo ka adlaw Cebu Tour sa Barangay Ginebra San Miguel.
Ang 7-footer nga si Slaughter nga sikat na karon sa PBA bisan usa pa ka tuig siya sa liga mibisita sa UV diin nagpasalamat siya sa tunghaan nga maoy nahimong taytayan sa malampuson niyang karera sa basketbol.
Uban ni Slaughter nga gidugok sa mga tinun-an ug staff sa UV mao ang ubang Ginebra cagers nga sila si Chris Ellis, Marc Baracael, Emman Monfort ug Dylan Ababou.
Atol sa iyang collegiate years, si Slaughter migiya sa UV Green Lancers ngadto sa tulo ka sunod-sunod nga CESAFI titles.
Bisan pa'g mibiya siya sa UV aron mobalhin sa Ateneo Blue Eagles sa iyang fourth year sa UV, si Slaughter nagkanayon nga daku gihapon iyang utang kabubut-on sa unibersidad.
"It's really feels good to be back in UV because this is where it all started. I had my humble beginnings here. This is my own way of replaying UV a little bit because I could really never repay what UV has done to me," matud pa ni Slaughter.
Atol sa miaging Leo Awards, si Slaughter midaog sa ROY award, samtang ang karibal niya kanhi sa CESAFI nga si ex-University of Cebu cager Junemar Fajardo maoy MVP.
"It's a good individual award but I'm far from being satisfied. My focus really is the championship. That every player's goal, to win a championship," dugang pa ni Slaughter.
- Latest
