Business Bank kampiyon sa RCBC cagefest
CEBU, Philippines - Gilubong sa Business Bank ang karibal nilang Global team, 82-66 sa finals aron masakmit ang championship trophy sa RCBC Sportsfest 2014 basketball tournament niadtong Hunyo 21 diha sa Barangay Tejero Sports Complex, ning siyudad.
Upat sa lima ka scorers sa Business Bank ang mikulit og double figures.
Ang Business Bank maoy pirmeng miabante ug wala gyud kini molingi sa naghangak nga Global team, kinsa pakyas pag-ilog sa labaw bisan giunsa pa nila sa pagpaningkamot.
Sa pasiunang duwa, ang RSB mao gyud ang miangkon sa third place trophy human midaog batok sa Jernel pinaagi sa overtime sa iskor nga 79-73.
PUNTOS MATAG USA
Unang duwa:
RSB (79) - Gabales 21, Bernal 17, Deofel 16, Haban 9, Osorio 5, Tero 4, Teopiz 3, Jochael 2, Borda 2.
JERNEL (73) – Andres 21, Nono 20, Masong 9, Amar 6, Opaw 4, Gomez 4, Pangilinan 3, Tampan 2, Mayix 2, Retiza 2.
Ikaduhang duwa:
BUSINESS BANK (82) – Arobo 27, Dumasig 23, Freddie 14, Cronlea 10, Labra 8.
GLOBAL (66) – Baclaan 25, Rabanes 14, Trangia 9, Uy 4, Patindol 3, Tongcos 2, Cristobal 2. (BANAT PALARO)
- Latest
