CEBU, Philippines - Ang gikahinaman nga 4th Palarong Pambarangay Inter-sitio basketball tournament pormal nang buksan karong adlawa diha sa Telof Plaza basketball court sa Brgy. Subangdaku, dakbayan sa Mandaue.
Sa naandan, sugdan kini pinaagi sa usa ka parada nga salmotan sa mga partisipanteng koponan. Manukad ang parada sa Mandaue Foam paingon Telof Plaza diin ipahigayon ang opening program nga pagatambungan sa mga opisyal sa barangay Subangdaku ubos sa liderato ni Brgy. Capt. Ernie Manatad.
Adunay 64 ka koponan ang mosalmot sa maong torneyo nga gibuak ngadto sa unom ka kategoriya -- mini, midget, juniors, seniors, 40-above ug inter-company division. (BANAT NEWS)