Ambot pila kaha ka milyon nga Miami Heat fans ang miluwat ani nga pulonga human sa 95-100 nga kapildehan sa Heat sa Game 1 ug miingon nga "sus, kung wala pa unta cramp (mi) si LeBron wala unta'y seguro kung modaug ba ang San Antonio Spurs."
Ug ambot pila sab kaha ka milyon ang miingon nga kung wala pa unta madaut ang air-conditioning unit sa AT&T Center nga naka-apekto sa duwa, wala unta'y seguro modaug to ang Heat.
Sa miaging tuig unsa ma'y gisulti sa mga tawo ilabi na sa mga fans sa Spurs? "Sus kung wala pa unta mosulod ang three-point shot ni Ray Allen sa Game 6, wala na unta'y overtime. Champion na unta ang Spurs.
Dugangan pa gyud sa pag-ingon nga "sus kung dili pa lang unta homecourt sa Heat ang Game 7 wala'y seguro nga ma-champion ba ang Heat."
Sa Game 2 sa miaging semana diin naka-ipsot ang Heat sa iskor, 98-96, daghan ang nag-ingon nga sus kung wala pa unta mosipyat silang Tony Parker ug Tim Duncan sa ilang free throws, daug na unta ang Spurs.
Unya karon sa Game 5 asa naman sad ta padung ani? Anha na sab sa UNTA?
Pareho tang tanan nga dili gyud makaseguro kung kinsay modaug sa duwa.
Bisan ako nga mahiligon kayo sa tagna-tagna, dili sab gyud makaseguro kinsay modaug apan kung ang dagan sa duwa maoy atong himoong sukaranan, wala seguro'y molalis kanako mas may kapasidad nga mahimong kampiyon ang Spurs. Kini tungod kay kuwang na lang sila'g usa ka daog kung itandi sa Heat nga kinahanglang moharus sa mosunod tulo ka duwa.
Duna lang tingali hitaghapan nga matumbok kung pilay biya apan lisod pagtag-an sa final score.
MISCELLANEOUS. Starting today, my son Matt Erikson, will be having his practicum as Special Education teacher for grade 6 pupils at the Cebu Normal University where he is taking up Bachelor of Science in Elementary Education. Congrats also for being a Dean's Lister and member of the first 20 of the batch for practicum. Advance birthday greetings to my niece Lei Sofia Decierdo on Wednesday, June 18 and to his father John Decierdo on June 24. Belated Father's Day celebration to all fathers and daddies.