CEBU, Philippines - Pulos nakatagamtam og kapildehan ang duha ka sikat nga football clubs sa kalibutan nga mao ang Japan ug England atol sa ilang tagsa-tagsa ka mga opening match sa 2014 FIFA World Cup didto sa Brazil.
Ang Japan napilde sa Ivory Coast, samtang ang England gipukan sa Italy.
Ang Japan nga usa sa mga football team nga nakasud sa World Cup gikan sa Asya, naglabaw unta og 1-0 sa sayung bahin sa duwa, apan nasagunsunan sila og duha ka goal ni Ivory Coast superstar Didier Drogba.
Sa ilang bahin, ang England nga tuyo nga makakuha sa ikaduha nilang World Cup title wa musalir sa four-time champion Italy kinsa mipatapsing kanila 2-1.
Ang sikat nga si Mario Balotelli maoy nagsilbe nga bayani sa Italy human siya makapasud og game-winning goal sa hinapos nga bahin sa duwa aron buk-on ang 1-1 nga panagtabla. (BANAT PALARO)