CEBU, Philippines - Andam na ang tanan alang sa pagpahigayon sa tinuig nga SRP Sunday Club basketball tournament nga gikatakdang sugdan sa Hunyo 8 diha sa San Roque Parish gym sa barangay Subangdaku, Mandaue City.
Walo ka koponan ang kompirmandong mopakita’g aksyon sa torneyo nga pangulohan sa defending champion White team. Lain pang mosalmot mao ang runner-up Maroon team, Blue, Green, Violet, Grey, Red ug Black diin ang matag team langkuban og 15 ka magduduwa.
Subhan ang opening pinaagi sa exhibition games diin ang SRP Sunday Club-Light makigsangka batok sa Police (Mabolo) sa pasiunang duwa nga gikatakda sa alas-9 sa buntag, dayon sundan sa duwa tali sa SRP Sunday Club-Dark ug LABA Selection sa alas-10 sa buntag.
Ang game proper sa SRP Sunday Club unya pa Hunyo 15 sugdan. (BANAT NEWS)