CEBU, Philippines - Miabante ngadto sa quarterfinals ang Ynah Brokers diin nakakuha kini'g twice-to-beat advantage apan naglisud una sila'g pakgang sa Global kinsa ilang gipilde sa iskor, 105-101 kaniadtong Huwebes sa talihuman nang elimination round sa nagpadayon nga 2nd BOC-CIPU Cup basketball tournament didto sa barangay Tinago gym, ning dakbayan.
Sa laing duwa, miabante ngadto sa ikatulong pwesto ang Enforcement Security Service (ESS) nga gipangulohan ni Kenneth Maningo kinsa mibahug og 23 puntos pinaagi sa pag-iskor og 93-83 nga kadaugan batok sa JVD Brokers.
Matapos na sunod semana ang elimination round diin ang top two teams--- MJDL (7-0) ug Petracorta-Rollway (7-1) dili na moapil sa quarterfinals ug automatic na ngadto sa semifinals samtang mag-agi og playoffs ang nahibiling walo ka teams diin ang upat ka teams nga adunay mas taas og team standing adunay twice-to-beat advantage.
Sa kasamtangan, ang higher four mao ang ESS, Avenido Brokers, Ecu Line ug Ynah samtang ang lower four mao ang Global, JVD , Alin Brokers ug Rongcales.
Unom ka players sa Ynah (3-4) ang mibahug og double figures nga naglakip kanilang Tata Laborte ug Jef Garcia.
Sa laing bahin, nakakuha'g suporta sa opensa si Maningo gikan nilang Ramil Aniñon, Jan Mose ug Boodie Monteño alang sa 5-3 nga ESS.
Puntos matag usa:
First Game:
Ynah Brokers (105)--- Lobitaña 23, Laborte 17, Garcia 12, Allerite 11, Oporto 11, Peras 10, Niones 5, Purcia 4, Villarin 2, Guirit 2.
Global (101)--- Jadraque 30, Manulat 19, Plando 11, Velasquez 9, Baguio 5, Bangha; 5, Caynila 4, Castro 1.
Second Game:
ESS (93)--- Maningo 23, Aniñon 13, Mose 13, Monteño 10, Gacilos 8, Cañete 8, Mabalo 6, Gabica 4, Abayon 2, Dela Cruz 2, Oyao 2, Yu 2.
JVD (83)--- Ybañez 27, Gerundio 13, Villarin 10, Munda 9, Saquenza 8, Montero 5, Villarin 4, Ho 2, Nadal 2, Viodor 2. (BANAT NEWS)