BEST cage clinic ugma sa SHS-AdC

CEBU, Philippines -  Mobalik na sab dinhi sa   Sugbu ang tinuig nga BEST Center Basketball Clinic nga gipaluyohan sa Milo karong Mayo 12-17 diha sa Sacred Heart School-Ateneo de Cebu (SHS-AdC) Mango Avenue Campus Gym, ning dakbayan.

 Sa maong clinic, ang mga partisipante  tudloan sa Intro to Basketball (for 5-8 years old) nga labing unang higayon nga gihimo dinhi sa Sugbu ug ingon man Level 1: Ball-handling, Level 2: Shooting, Level 3: Defense ug Level 4: Offense

 Aduna kini registration fee nga P2,800 matag estudyante sa tanang mosalmot sa upat ka levels. Sa Intro Course, magbayad kini'g P3,300 alang sa mga bata nga nagpangedaron og 5-8 anyos.

 Mao na kini ang ika-36 nga edition sa BEST Center nga nagtudlo og basketball basics sa nagkalain-laing dapit sa atong nasud.

 Matud pa sa MILO-Best founder  nga si coach Nic Jorge, kinahanglan nga itudlo ang basic fundamental sa basketball  sama sa matang sa training sa mga Europeans diin ang ilang mga players nahibawo nang daan sa fundamentals sa wala pa sila mosalmot sa usa ka competitive basketball.

 Pipila sa mga inilang produkto sa Milo BEST Center naglakip nilang Chris Tiu, Kiefer ug Thirdy Ravena, Jeron Teng, LA Tenorio, Larry Fonacier, Benjie Paras ug Henry Asilum. (BANAT NEWS)