Sibonga VM Apuda Cup buksan na karong adlawa

 CEBU, Philippines - Buksan na karon ang 1st Vice Mayor Cirilo 'Rey' Apuda Cup Inter-Barangay basketball tournament didto sa lungsod sa Sibonga sa habagatang Sugbu.

 Adunay 25 ka teams ang mosalmot -- pito niini ang coastal barangays ug 18 gikan sa mountain barangay sa nahisgutang lungsod.

 Sugdan kini pinaagi sa tradisyonal nga parada sa mga partisipanteng koponan sa alas-3 sa hapon.

 Apan matud pa ni kanhi USJ-R Jaguar cager ug Sibonga municipal councilor Bebe Bugtai, nga unya pa sa  alas-7 sa gabii pormal nga sugdan ang duwa didto sa Sibonga gym.

 Molamas sa opening day mao ang exhibition game tali sa University of the Visayas (UV) Green Lancers ug SG Team-Cebu.

 Ang maong torneyo gipasiugdahan ni bise mayor Cirilo 'Rey' Apuda uban sa suporta ni Sibonga mayor Lionel Bacaltos ug tanang konsehales.