CEBU, Philippines - Wala gihapon makatilaw og pilde ang Petracorta-Rollway Brokers sa unom nila ka duwa human ilang gipukan ang JVD Brokers, 102-96 sa 2nd BOC-CIPU basketball tournament didto sa barangay Tinago gym, ning dakbayan.
Sa sayo pa, ang Global misakmit sab og daog batok sa Avenido Brokers, 109-95.
Naunhan na sa Petracorta ang labing lig-on nga title contender nga MJDL, kinsa wala sab makatilaw og pilde sa lima ka duwa.
Silang Takloy Moral ug team owner Melchor Petracorta maoy nangu sa opensa sa ilang 25 ug 24 puntos matag usa.
Ang JVD nahiagom na karon sa ilang ikaupat nga pilde ug adunay 2-4 nga baraha.
Sa laing bahin, lima ka players sa Global ang miiskor og double figures, samtang duha lang ang sa Avenido Brokers.
PUNTOS MATAG USA
Unang duwa:
Global (109) – Jadraque 3, Velasquez 18, Plando 10, Gayo 10, Manulat 10, Dinolang 9, Cedeño 8, Caynla 4, Baguio 4, Amaro 4, Banghal 4, Pastoran 2, Diaz 2.
Avenido (95) – Dungog 32, Villa 18, Jordan 8, Arevalo 8, Laraga 8, Pangan 8, Tan 6, Mompar 4, Avenido 2, Merino 1.
Ikaduhang duwa:
Petracorta-Rollway (102) – Moral 25, M. Petracorta 24, Tarona 12, P. Petracorta 10, Villaronza 9, Dela Pieza 9, Palero 6, Generalao 4, Olloves 2, Manlosa 2, Palad 2.
JVD (96) – Villarin 23, Munda 16, Sanguenza 14, Villarin 12, Hoi 9, Viodor 8, Montero 8, Gerundio 6. (BANAT PALARO)