CEBU, Philippines - Ang Sugbuanong wrestler ug coach nga si Luis Ansag mihipos og usa ka silver ug duha ka bronze medals sa Boracay International Dragonboat Festival ning bag-o lang didto sa isla sa Boracay.
Nadaog ni Ansag sa Team Pyros ang usa ka silver sa mixed 500-meter competition.
Si Ansag ug laing Sugbuanon nga si Jeffrey Sinangote midaog og duha ka bronze medals sa men's open 500m ug masters mixed category.
Ikaupat sila sa men's open ug masters sa 250m categories.
Ang lumba gisalmotan og kapin 100 ka entrante ug kahugpongan gikan sa Hong Kong, Singapore, Bulgaria, Malaysia ug North America.
Sa pagka karon, si Ansag mopokus una sa dragonboat event sa Philippine National Games (PNG) sa Laguna. (BANAT PALARO)