Mataragnon nangandam sa "rematch" vs. Bowden

CEBU, Philippines -  Nangandam na sab ang Sugbuanang triathlete nga si Aaliyah Ricci Mataragnon  alang sa "rematch" batok  ni Zoe Natasha

Bowden sa Malaysia dihang ang magkaribal mosalmot sa Subic International Triathlon karong Sabado didto sa Subic Bay Freeport.
 Ang misulbong nga si Mataragnon bag-o lang nidaog og silver sa Metaspring Series sa miaging semana didto sa Singapore diin

si Bowden ang midaog sa gold.
 Si Mataragnon nga mangahas pagpilde ni Bowden, modoble sa iyang preparasyon ug nag-ensayo gihapon kini bisan og

Semana Santa.
 Masaligon si Mataragnon nga iyang mapukan si Bowden ilabi na sa suporta sa iyang coaches. Ang 13-anyos nga si

Mataragnon gi-train ni Ronald Manlosa sa swimming, Jaybop Pagnanawon sa cycling ug John Philip Duenas sa running. Suportado sab

siya sa iyang amahan ug veteran triathlete Ritchie Mataragnon. (BANAT NEWS)