CEBU, Philippines - Pormal nga gibuksan kagahapon ang Cebu Chess School (CCS), ang labing bag-o nga puloan alang sa Cebuano disciples ning nabantog nga European board game.
Anaa kini mahimutang sa ikaduhang andana sa Central Books Building sa dalan P. del Rosario, ning siyudad.
Gitambongan kini mismo ni Grandmaster Oliver Barbosa, ang highest ranked Philippine-based player nga adunay FIDE rating
nga 2580.
Mitambong sab ang mga opisyales sa Cebu Executives and Professionals Chess Association (CEPCA) sa pagpangulo sa ilang
presidente nga si Engr. Jerry Maratas.
Sa pagtukod sa Cebu Chess School, si International Master Kim Steven Yap miingon nga ilang bairon ang talento sa mga
batan-ong chess players sa probinsiya uban ang katuyoan nga makabaton og dugang masters ug Olympians ugma damlag.
Sa pagka karon, ang Cebu adunay upat ka chess Grandmasters nga sila si Rogelio Barcenilla, Enrico Sevillano, Joseph Sanchez
ug Richard Bitoon.
"For a couple of years now, I've been teaching the kids how to play chess in Singapore and I thought to myself why not do it in
my own country," matud pa ni Yap, ang managing director sa CCS.
"That's the main reason why we are establishing this Cebu Chess School. We want to develop our homegrown talents, chart a
better career path for them, and eventually produce more chess masters," dugang pa sa 26-anyos nga si Yap, ang kanhi Shell National
Youth Active champion sa kiddies ug juniors division.
Sa dili pa nila bansayon ang mga tinun-an, tudloan una kini nila kun unsaon paghigugma sa chess. Human niana, isunod dayon
ang fundamentals sa duwa hangtod nga makat-on kini. Sa hinay-hinay tabangan sila pag-ugmad sa ilang talento hangtod nga mahimo
nang maayong magduduwa dili lang sa Pilipinas kun dili sa international nga kompetisyon.
Si Yap aduna nay naila nga mga batan-on apan masaarong magduduwa nga mahimong kabahin sa iyang training squad. Kini
naglakip nilang Renzi Kyle Sevillano, Felix Shaun Balbona, Diego Claro ug ang 7-anyos nga si Jerish Joy Velarde ug uban pa.
Alang sa dugang mga kasayoran kalabot sa Cebu Chess School, mahimong mokontak ni Kim Yap sa 414-9877 o di ba sa 0932-
3510816. (BANAT NEWS)