CEBU, Philippines - Nahimuot si Hall-of-Famer trainer Freddie Roach sa unang pamahayag ni WBO welterweight champion Timothy Bradley kinsa mibahad nga tumbahon si Manny Pacquiao pinaagi sa left hook sa ilang sangka karong Abril 12 didto sa MGM Arena sa Las Vegas.
Si Bradley miingon niadtong Sabado nga iyang pahamtangan og knockout nga kapildehan si Pacquiao gamit ang iyang walang kumo, apan si Roach daling mitubag niini diin iyang gibalewala ang pangangkon sa undefeated American.
Si Roach nagkanayon nga dili siya motuo sa bahad ni Bradley kinsa iyang gihulagway nga usa ka boksidor nga adunay hinay nga kumo.
“He can’t punch with either hand,†matud pa sa American trainer sa The Philippine STAR. “I’m not worried about it [left hook]. He can kick me if he wants to.â€
Daku og respeto si Roach ngadto ni Bradley tungod kay napamatud-an na sa Amerikanong boksidor nga usa kini ka lig-on nga fighter, apan kun unsa kini kagahi mao usab ang kagaan sa kumo niini itandi ni Pacquiao.
Si Roach midugang nga grabe ang training ni Pacquiao ug nakita niya nga anaa na sa kondisyon iyang boksidor nga mobawi sa WBO title nga gikuha ni Bradley niadtong tuig 2012 atol sa una nilang sangka diin midaog ang nauwahi pinaagi sa kontrobersyal nga split decision. (BANAT PALARO)