Wrestling seminar sa Yaw-Yan Ardigma Summer Clinic karon

CEBU, Philippines -  Ang Sportswriters Association of Cebu (SAC) awardee nga si Luis Ansag mopahigayon og wrestling seminar sa pormal nga pagsugod sa tinuig nga Yaw-Yan Ardigma Martial Arts Federation Inc. Summer Clinic karong adlawa didto sa Yaw-Yan Headquarters sa 4th floor sa Coast Pacific Downtown Center sa dalan Sanciangko, ning siyudad.

 Si Ansag, kinsa hanas na sa natad sa wrestling ug miyembro  usab sa Philippine wrestling team coach, mopaambit sa iyang mga nakat-onan sa wrestling ilabi na ngadto sa mga mahiligon sa Mixed Martial Arts (MMA).

 Ang wrestling misikat karon isip usa sa mga labing mahinungdanon sports discipline sa MMA.

 Gawas sa mga sakop sa Yaw-Yan, ang maong seminar bukas sa mga MMA fighters ug practitioners gikan sa nagkalain-laing Martial Arts clubs dinhi sa Sugbu.  Ang registration fee nagkantidad og P1,500 lakip na niini ang certificate of participation alang sa mga mosalmot.  (BANAT PALARO)