Cebuano medalist mopahigayon wrestling seminar

CEBU, Philippines - Ang international wrestling medalist ug kanhi coach sa Philippine Team nga si Luis Ansag mopahigayon og wrestling seminar sa Abril 1 ug 2 diha sa Yaw-Yan Headquarters sa 4th floor sa Coast Pacific Downtown Center atbang sa UC-main campus sa dalan Sanciangko, ning siyudad.

Si Yaw-Yan ArDigma Cebu founder Master Benigno 'Ekin' R. Caniga Jr. maoy mipasiugda sa maong seminar alang sa mga Mixed Martial Arts (MMA) fighters ug practitioners.

"Everyone is invited for this seminar especially those Mixed Martial Arts (MMA) enthusiasts who want to improve on their ground games. Luis will teach basic and advance wrestling focusing on takedowns," matud pa ni Caniga.

Ang Sugbuanong wrestling veteran, nidaog og silver medal sa 4th Asian Zurkhaneh Sports Championship didto sa Kathmandu Nepal sa miaging tuig diin gikasangka niya ang mga nag-unang wrestlers ug grapplers sa Asya.

Ang duha ka adlaw nga seminar magsugod sa alas-7 sa gabii hangtod sa alas-10 sa gabii. Ang registration fee nagkantidad og P1,500 libre na ang certificate human sa seminar.

Alang sa registration ug dugang mga detalye, mahimong motawag sa 09198215582, 09324524999 o 09065120888. Mahimo sab nga mo-email sa [email protected].  (BANAT SPORTS)