MJDL, Ynah miarangkada sa 2nd BOC-CIPU tournament

CEBU, Philippines - Wala'y nakapiog kang ex-UC Webmasters Daniel Enriquez, kinsa midominar sa undergoal aron pangulohan ang defending champion MJDL Brokers ngadto sa 117-99 nga demolisyon sa Eculin Brokers sa 2nd BOC-CIPU basketball tournament didto sa Brgy. Tejero gym, ning dakbayan.

 Midaog sab ang Ynah Brokers pinaagi sa paglubong sa Roncales Brokers sa iskor nga 73-59.

 Si Enriquez mibahog og 24 puntos, samtang  silang Rex Bensi ug Nico Laborte miamot og   15 puntos matag usa. Ang managsuong Noel ug Baeng Medalle nagkumboya'g 24 puntos  si Bikeng Rollon miamot og 10 puntos.

 Kutob na lang sa pag-foul kang Enriquez ang nahimo sa Eculin ug mikutaw ang libog kun  kinsa ang depensaan kay nangigo man sab ang MJDL sa ilang mga tirada gikan sa gawas ug epektibo sab kaayo ang ilang fastbreaks.

 Sa sayo pa,  si Tata Laborte mibahog og 17 puntos alang sa Ynah, samtang adunay tag-10 puntos  silang Jeff Garcia ug Prime Oporto alang sa kadaugan.

PUNTOS MATAG USA

Unang duwa:

 Ynah Brokers (73) – Laborte 17, Garcia 10, Oporto 10, Peras 9, Allerite 7, Lobitana 6, Laurel 4, Villarin 4, Carmen 2, Niones 2, Gurtt 2.

 Roncales (59) – Berame 14, Montejo 14, Dellosa 7, Pianar 6, Mabangue 4, Balorio 3, Osabel 3, Managbanag 2, Mollena 2, Davila 2, Ygot 2.

Ikaduhang duwa:

 MJDL Brokers (117) – Enriquez 24, Bensi 15, Laborte 15, N. Medalle 13, B. Medalle 11, Rollon 10, Elloren 8, Abellana 7, Amistoso 6, Arreglo 4, Villacstin 4.

 Eculin Brokers (99) – Into 23, Singson 16, Maunes 14, Sasing 9, Araon 8, Cabillada 8, Castillo 7, Mondin 6, Labrador 5, Quadeo 2, Daan 1.