PBA All-Stars kompleto na

 CEBU, Philippines -  Nakompleto na ang line-up sa mga players nga maglangkob  sa PBA All-Star team batok sa Smart Gilas Pilipinas sa usa ka exhibition game sa PBA All-Star sa Abril 6 didto sa SM Mall of Asia Arena.

 Ang PBA All-Star team ni multi-titled coach sa San Mig Coffee Mixers Tim Cone bidahan nilang former two-time MVP James Yap sa San Mig, teammate niining si Mark Barroca, Greg Slaughter, Chris Ellis ug Mac Barracael sa Barangay Ginebra San Miguel nga maoy starting five.

 Sangkaon nila ang Smart Gilas national team ni coach Chot Reyes, nga nangandam alang   sa 2014 FIBA World Championship didto sa Spain sa Agosto.

 Ang reserve team sa PBA Stars naglakip nilang Joe Devance ug PJ Simon sa San Mig, Calvin Abueva ug Sonny Thoss sa Alaska, Niño Canaleta sa Talk N’ Text  ug  Arwind Santos ug Marcio Lassiter sa San Miguel. (BANAT NEWS)