Sunsport basketball training camp palawman pa

CEBU, Philippines -  Nanaad ang tagdumala sa Sunsport Basketball nga mohimo og maayo pa ug mas komprehensibong training camp alang sa ilang

21st season nga gikatakdang sugdan sa  Abril 1 diha sa Sacred Heart Center Sports Club sa dalan D. Jakosalem, ning siyudad sa Sugbu.

 Kini aron makab-ot ang ilang pangandoy nga moamuma og Sugbuanong basketbolista aron mosikat ugma damlag.

 Ang training camp gibahin sa duwa ka levels alang sa aspiring hoopsters nga nagpangedaron og siyete hangtod sa 19-anyos.

 Matud pa ni Giovanni 'Jojo' Romarate, ang training director sa karaan ug labing maayo nga training camp dinhi sa Sugbu, nga

ang unang bahin sa training gituyo alang sa beginners. Mahuman kini sa Abril 30. Ang training session himuon sa alas-8 sa buntag

hangtod na sa alas-12 sa udto.

 "At this stage, we will be teaching our students the fundamentals of the sports such as proper shooting, dribbling, passing,

footwork and other related drills," sumala pa ni Romarate, ang head coach karon sa Salazar Colleges of Science and Institute of

Technology (SCSIT) Skyblazers.

 Kadtong moparehistro sa first level hingpit na mopadayon sa second level o advanced program.

 Ang enrollment sa first level gitakda sa Marso 29-30. Aduna kini registration fee nga P1,200 libre na ang upper uniform,

Sunsport basketball 2014 edition ug bag.

 Alang sa dugang mga pakisayod, mahimong motawag ni Romarate sa 0933-2677713, 0921-2338305 o di ba sa Sunsport office sa

345-1015, 268-8643 ug 260-8608. (BANAT NEWS)