CCF, Faith Tabernacle, 5-0 sa FCA cagefest

CEBU, Philippines -  Padayong nanginhas og daog ang CCF aron magpabiling walay pilde sa 34-below division sa 4th Fellowship  of Christian

Athletes (FCA) basketball league niadtong weekend didto sa karaang gym sa Sacred Heart School-Ateneo de Cebu sa General Maxilom

Avenue, ning siyudad.

 Ang CCF mipukan sa Living World-Talisay (LW-T) sa iskor nga 54-45 sa quarterfinal round.

 Gipangulohan ni Kareem Alocillo ang kadaugan nga mipabuhagay og 15 puntos.

 Sa laing duwa sa quarterfinals, ang PC Nets yano kaayong milansang og daog pinaagi sa paglubong sa BUCCI Zealots, 62-49

ubos sa pagpangulo ni Franz Dysam, kinsa mipaulbo'g 26 puntos.

 Midaog sab ang CFGA Kingdom Builders ni coach Abel Bungcaras human makaipsot sa ACES, 75-72, samtang ang Faith

Tabernacle Eagles midagit og daog batok sa Cross Pointe All-Stars, 59-39.

 Si Jerome Napao maoy nangulo sa CFGA nga mipupo'g 14 puntos, gisundan nilang Adelfo  Delgado ug  Samuel Schaub  nga

adunay  tag-12 puntos,   samtang  si   Leo Labiste mikulit og 13 puntos alang sa napildeng Faith Tabernacle.

 Ang CCF ug Faith Tabernacle nga parehong adunay 5-0 win-loss records mao na lang ang mga koponan nga wala pay pilde

ning duha ka bulan nga torneyo nga gipaluyohan sa Psalm Property, Eagles Vantage, T&G Omnia+, Apple Tree Suites ug M. Lhuillier

Kwarta Padala. (FREEMAN)