CEBU, Philippines - Magkaribal nga Rain or Shine Elasto Painters ug San Mig Coffee Mixers ang mag-abot na sab karon alang sa Game-3 sa
"best-of-seven" finals series sa PBA Philippine Cup didto sa Araneta Coliseum.
Ang titular showdown sugdan sa alas-8 sa gabii.
Si RoS coach Yeng Guiao una nang namahayag nga wala niya hatagi'g bili ang ilang kapildihan sa Game-2 ug taas gihapon ang
ilang kompiyansa nga molampos sa maong serye.
Samtang ang iyang karibal nga si Tim Cone nangahas nga andam gihapon ang San Mig nga mopahamtang og laing pilde sa
Rain or Shine.
Sa una nilang panagharong sa finals sa 2012 Governor’s Cup, ang Elasto Painters midaog sa Game-3 sa finals ug kini ang yawi
sa ilang paglahos ngadto sa kampiyonato.
Aron matugkad kini ni Guiao kinahanglan mabungkag sa iyang mga batos ang solidong depensa sa San Mig.
Ang Rain or Shine nag-average og 93.35 points matag duwa, apan igo lang sila nga miabot sa 76.5 average sa duha nila ka duwa
batok sa San Mig.
Sa laing bahin, wala pay seguro kun makaduwa ba uban sa Rain or Shine si Ryan Arana tungod sa injury nga iyang naangkon
human magkabangga ni San Mig center Rafi Reaves sa Game-2. (BANAT NEWS)