Marquez moaway ni Pacquiao kun…
CEBU, Philippines - Nausab ang tonada ni Mexican boxing legend Juan Manuel Marquez kinsa miingon nga andam na siya nga sangkaon pagbalik si Manny Pacquiao, apan sa kondisyon nga si Pacquiao ang maghupot sa WBO welterweight champion.
Si Marquez kinsa dugay nang nagmagahi nga hatagan og fifth fight si Pacquiao, miingon nga posible nga sangkaon niya pag-usab ang Pinoy boxing superstar kun makuha niini ang WBO title nga kasamtangang gihuptan ni undefeated American Tim Bradley.
Si Pacquiao ug Bradley magsangka sa Abril 12 didto sa MGM Grand Garden Arena sa Las Vegas.
Ang 40-anyos nga si Marquez kinsa mi-KO ni Pacquiao sa sixth round niadtong tuig 2012, gusto nga moretiro isip usa ka kampiyon rasun nga suwayan niya nga makuha ang titulo sa 147 lbs. title.
“I always said I wanted to fight Pacquiao and beat him and I did. I do want that [welterweight] title, but I’m not obsessed with it, though it would be a great achievement,†matud pa ni Marquez sa Philippine Star.com.
Si Marquez gitanyagan sa Top Rank Inc. og usa ka title fight alang sa light welterweight title batok ni Russian Ruslan Provodnikov, apan gibalibaran niya kini tungod kay siya ang nanag-iya daan sa WBO light welterweight title sa wala pa niya kini gibakante aron mosaka sa 147 lbs.
“Fighting with Provodnikov would not gain me anything. I would be fighting for a title that was already mine before and if I beat him, it won’t mean much," dugang pa niya. (BANAT PALARO)