Dul-an 4,000 ka runners mosalmot sa SM2SM Run
CEBU, Philippines - Gilauman moabot sa 4,000 ka runners ang mosalmot sa 4th SM2SM Run nga gikatakda sa Pebrero 16 diha sa SM City-Cebu.
Gipasiugdahan sa SM Prime Holdings, ang lumba magsilbe sab nga fund-raising project diin ang mga beneficiaries mao ang Cebu Newspaper Workers Foundation Inc. (CENEWOF), Cebu City Task Force on Street Children ug house building project alang sa typhoon Yolanda survivors.
Ang lumba gibahin sa upat ka kategoriya -- 3K, 6K,12K ug 21k half marathon. Aduna usab couples race sa 12K ug 21K alang sa mga minyo.
Mga ganting salapi ug medalya ang giandam alang sa top performers sa matag kategoriya, samtang ang runners adunay kahigayunan nga modaog atol sa raffle draw human sa lumba.
Ang tanang finishers makadawat og eco-friendly bag gikan sa SM City-Cebu.
Ang registration fee nagkantidad og P750 sa 21K, P600 sa 12K, P350 sa 6K ug 3K. Ang entry fee sa 21K couples run nagkantidad og P750 matag usa ug P600 matag usa sa 12K couples class.
Nagsugod na ang registration diha sa first level sa SM Northwing. Mahimo usab nga motawag sa SM City Cebu Marketing Department sa (032) 232-0296.
- Latest
