CEBU, Philippines - Mirehistro og double-double si Kelly Nabong aron tabangan ang GlobalPort Batang Pier nga makaipsot batok sa Alaska Aces, 91-88, sa overtime kagabii didto sa Smart Araneta Coliseum.
Si Nabong mihimo og 13 puntos ug 10 ka rebounds alang sa GlobalPort nga miduwa nga wala ang ilang franchise player nga si Jay Washington kinsa mipahuway tungod sa injury.
Sa maong kadaugan ang GlobalPort misaka sa record nga 5-8 nga misegurado sa ilang luna sa quarterfinals.
Nahimong sikit ang duwa tali sa GlobalPort ug Alaska tungod sa pagbinayloay og puntos sa duha ka koponan nga miresulta sa usa ka overtime, 82-all.
Sa overtime, mibanat si Nabong uban sila si Terrence Romeo ug Sol Mercado dihang napugngan nila ang dautang plano sa Alaska nga mailog ang daug.
May kahigayunan unta ang Alaska nga makuha ang daog sa katapusang 25 segundos, apan mikagar ang three-point shot ni RJ Jazul ug dali ra usab nga napunit ni Nabong ang rebounds sa katapusang 18 segundos nga maoy mikandado sa daog.
“Nabong has really been playing well but the problem is that he plays the same position as Jay Wash (Washington). It’s unfortunate that we lost Jay Wash but it’s a good opportunity for Nabong. He’s able to step up and helped us a lot in this game,†matud pa ni Batang Pier coach Ritchie Ticzon.
Sama ni Nabong, mihimo usab og double-double si Menk sa iyang 10 points ug 11 rebounds. (BANAT PALARO)