Niadtong pipila ka adlaw nga milabay, nalukop ang tanang newspapers, radyo ug telebisyon kalabot sa taho nga madayon na gyud kuno ang away nilang Manny Pacquiao ug Floyd Mayweather, Jr. karong umaabot Septiyembre apan diay kadto publisidad lang ug wala'y kamatuoran.
Kagahapon, mitataw si Pacquiao nga kung gusto gyud si Mayweather makigsangka kaniya, maghuwat lang kini sunod tuig 2015.
Nindot nga makadungog kita nga magtakos na gyud sa ibabaw sa ring silang Pacquiao ug Mayweather apan wala'y unod kining mga matang sa taho kay igo pa lang mogawas sa news, ipanghimakak sa man usab dayon.
Alang natong mga Pinoy, gusto na gyud kitang mahitabo ang sangka sa ibabaw sa ring tali nilang Pacquiao ug Mayweather aron makita gyud ang katag kung kinsa gyu'y maayo nilang duha ug aron sab maputol kining pagka-hambugero ni Mayweather.
Isip eight-division champion, maka-ingon kitang daku gyud kaayo'g purohan nga motagam kini si Mayweather kung ma-igo sa kinumo ni Pacquaio apan kung buot sab huna-hunaon, isip usa ka undefeated nga boksidor, wala sa'y di motuo nga dili makahimo og pilde si Mayweather kang Pacquiao.
Dugay na kitang nakamatikod nga daw magdumili gyud si Mayweather sa pakig-away kang Pacquiao tingali dili siya gustong mabulingan ang iyang hapsay nga record sa iyang boxing career gani bisan unsa nalang ang iyang himoon nga makalapagot kang Pacquiao. Kaniadto, usa ka kundisyon nga makig-away siya kung magpa Olympic style blood test si Pacquiao ug niining bag-ohay lang, iyang gitanyagan si Pacquiao ug 40 milyones dolyares aron lang mapugos ug pakigsangka kaniya.
Adunay gikatakdang away silang Pacquiao ug Mayweather sa managlahing kontra. Sugdan na ni Pacquaio ang iyang training karong Abril samtang magsugod sab og training si Mayweather karong Mayo.
Daan nang gibandilyo sa kalibotan sa boxing nga ang British fighter nga si Amir Khan mayo ikasangka ni Mayweather apan ambot og ngano nga dili man gyud kahitabo nga dili motumaw ang ngalan ni Pacquiao isip labing kusog nga contender.
Lahi sab ang gikatakda nga kontrahon ni Pacquiao ug naapilan sa listahan silang Juan Manuel Marquez ug Timothy Bradley apan duna sa'y mga higayon nga adto lang gihapon ma-focus ang estorya ngadto ni Mayweather.
Samtang nagpaabot ang kalibotan sa maong showdown, ato lang unang kalimtan ang 2014 kay sumala pa ni Pacquiao adto pa kini mahitabo sa 2015. Gawas lang kung parehason kini nila sa schedule sa paglarga sa barko nga nag-ingon "schedule to change without prior notice", wala'y mahitabong Pacquaio-Mayweather fight karong tuiga.
Sa akong bahin, mas sayo unya mahitabo ang away mas maayo kay nag-anam na og uswag ang edad ni Pacquaio ug dili siya magpabiling batan-on sa tanang higayon. Kung adto kini mahitabo sa 2015 apan buwan sa Disyembre, balor kanang duha ka tuig ug gawas og lang og kundisyon ka kaayo, duna ka pay sarang ikasugakod.
Usa sab sa posibilidad nga dili gihapon mosukol si Mayweather ug aron lang dili mamantsahan ang iyang record, mahimo niyang ibakante ang iyang bakus sa WBC ubos sa welterweight division.
Wala'y lain natong ikatawag aning Floyd... kung dili "maru" aw talawan.
Nakuha gyud sa Meralco Bolts ang kanhi two-time PBA MVP nga si Danny Ildofonso.
Wala gyud diay mahilot ang isyu nga giinitan siya sa management sa Petron Blaze tungod sa iyang pagpananway sa sistema ni coach Olsen Racela ug miabot kini sa dunggan ni Ramon Ang, ang presidente sa San Miguel Corp. nga maoy tag-iya sa franchise sa Petron.
Sa iyang pag-debut sa Meralco niadtong Biyernes, mipaila dayon sa iyang ngan si Danny I. ug mihipos siya'g 34 puntos dihang midaug sila batok sa Air 21 Express sa overtime, 99-88 sa nagpadayong PLDT MyDSL 2014 PBA Philippine Cup.
MISCELLANEOUS. My cousin Arnel Ladonga celebrated another milestone yesterday, January 5.