CEBU, Philippines - Nakabawos ang Southwestern University (SWU) ug ang University of the Visayas (UV) ug mao na sab ang nanghawod sa 2013 Cebu Schools Athletic Foundation Inc. (CESAFI) beach volleyball tournament niadtong Domingo didto sa SWU sand court.
Sila si Therese Rae Ramas ug Floremel Rodriguez nga mga linghod pa apan beterano na kaayo'g dinuwaan sa ilang pagpalagpot sa University of Southern Philippines Foundation (USPF) nga gimaneho nilang Rochelle Rica, Gelly Murpos ug Jaquelene Tadatada, 21-13, 21-17 aron sakmiton ang korona sa women's division.
Ang ilang male counterparts, mipahiluna sa ikaupat nga dapit human miyukbo ngadto sa University of San Jose-Recoletos (USJ-R), 21-18, 21-16.
Sa main game, ang power duo nilang Mike Abria ug Mark Anthony Fernandez sa UV mipukan nilang Edmar Bonono, John Ylanan ug Tormis sud sa tulo ka set, 17-21, 21-19, 15-13 aron sakmiton ang titulo sa men's division. (BANAT NEWS)