Pacquiao, Marquez nag-ilog sa sunod kontra
CEBU, Philippines - Inay nga magsangka sa ikalimang higayun, nag-ilog na hinuon ang kampo nila ni Manny Pacquiao ug karibal niini nga si Juan Manuel Marquez sa katungod nga moaway ni WBO welterweight champion Tim Bradley sunod tuig.
Sila si Pacquiao ug Marquez kinsa gidungog nga magsangka sa ikalimang higayun, pulos karon gusto nga makakuha og rematch batok ni Bradley kinsa mipilde nilang duha.
Si Bradley miilog sa WBO title ni Pacquiao pinaagi sa usa ka kontrobersyal nga split decision niadtong miaging tuig, samtang si Marquez nasugamak usab sa miaging buwan batok ni Bradley pinaagi sa split decision.
Ang Hall-of-Famer trainer nga si Freddie Roach miingon nga gusto niya nga makuha ang rematch batok ni Bradley alang ni Pacquiao aron usab makabawos sila human sa kontrobersyal nga kapildehan.
Apan ang kampo ni Marquez nangangkon nga segurado na nga mahitabo ang rematch ni Marquez ug ni Bradley sunod tuig.
“I talked to Bob Arum and we are trying to make that fight. The fight is not complicated to make. I have great optimism that it will be achieved, and it would happen in March or July," matud pa sa manager ni Marquez nga si Fernando Beltran sa boxingscene.com. (BANAT PALARO)
- Latest
