Road Race Classics gitakda sa Nob. 30 - Dis. 1
CEBU, Philippines - Magpuhalay na sab ang mga seklista dinhi sa Sugbu sa ipahigayong Road Race Classics nga gikatakda sa Nobiyembre 30 hangtod sa Disyembre 1 didto sa amihanang bahin sa Sugbu.
Ang duha ka adlaw nga kalihukan gibuak ngadto sa duha ka dibisyon -- under-40 and above ug 40-year-old.
Aduna kini tulo ka stages, ang unang hut-ong mao ang individual time trial (ITT) gikan sa Carcar paingon sa Sibonga ug balik.
Ang mga seklista mosikad og 18-km atol sa ITT. Dayon ang 64-kilometers massed start road race gikan sa Carcar paingon sa Barili latas ngadto sa habagatang bahin sa Sugbu.
Sa Disyembre 1 mao na ang criterium event nga anha himuon sa South Road Properties (SRP).
Ang final round mao na ang usa ka oras plus lima ka rounds matag round set sa duha ka kilometros matag loop.
Ang entry fee alang sa tulo ka stage nga aksiyon nagkantidad og P1,500.
Apan kadtong buot lang moapil og usa ka stage mobayad og P700.
Ang katapusang adlaw sa rehistrasyon hangtod lang sa Nobiyembre 27. (BANAT NEWS)
- Latest
