Manila teams moduwa sa Cebu

CEBU, Philippines - Duha ka teams gikan sa Manila ang moduwa dinhi sa Sugbu alang sa Northern Cebu Province Invitational  Tournament karong Disyembre.

 Ang umaabot nga torneyo pagasalmotan sab sa duha ka local teams aron molingaw sa  mga katawhan sa Bogo City ug sa lungsod sa Tuburan nga uhaw na kaayo sa duwang basketbol. Gipaluyohan kini ni Bogo City Mayor Celestino E. Martinez, Jr., kinsa

maoy nagsilbeng team manager sa University of San Carlos (USC) Warriors.

 Buot ni Martinez nga ang Warriors ug ang Cebu Schools Athletic  Foundation Inc. (CESAFI) champion University of the Visayas (UV) Green Lancers maoy modula sa local teams. 

 Atol sa tigum didto sa Hotel Fortuna ning bag-o lang,  si Martinez miingon nga andam ang iyang dakbayan nga mo-host sa

maong torneyo. Gani ang mga molupyo sa nahisgutang mga lugar nagpanikad na nga motan-aw sa mga dekalibreng teams gikan sa Cebu ug Manila.

 Hangyuon sab ni Martinez ang mayor sa Tuburan nga si Democrito 'Aljun' Diamante nga dad-on didto sa iyang lungsod ang ubang mga duwa sa torneyo.